Тулгар төрийн 2230, 2231, Их Монгол улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101, Төв аймгийн 99, Зуунмод хотын 80 жилийн ой, Манзушир хутагт Самбадондовын Цэрэндорж, Монгол улсын төрийн нэрт зүтгэлтэн, Да лам Гомбын Цэрэнчимэд нарын мэлмий гийсний 150 жилийн ойн баяр наадмын сурын харваанд 74 эрэгтэй, 28 эмэгтэй харваач цэц мэргэнээ сорилоо.
Эрэгтэй харваачдыг:
- Төв аймгийн Жаргалант сумын уугуул, Онцгой байдлын Ерөнхий газрын Аврагч спорт хороо, Үндэсний сурын “Эрч” клубийн харваач, Аймгийн мэргэн, Спортын мастер С.Ариунбат /36 оносон/
- Төв аймгийн Зуунмод сумын уугуул, “Төв-Зуунмэргэн” холбооны харваач, Монгол улсын мэргэн Э.Цогбаяр /36 оносон/
- Завхан аймгийн Түдэвтэй сумын уугуул, Орхон аймгийн “Эрдэнэт” үйлдвэрийн усан хангамжийн цехийн ажилтан, “Хангарьд” спорт хорооны харваач, Аймгийн мэргэн,Спортын мастер Ц.Ганхуяг /35 оносон/
- Баян-Өлгийн аймгийн Бугат сумын уугуул, Онцгой байдлын Ерөнхий газар, Аврагч спорт хороо, Үндэсний сурын “Эрч” клубийн харваач, Аймгийн мэргэн, Спортын мастер Б.Ганбаатар /34 оносон/
- Булган аймгийн Могод сумын уугуул Хилчин спорт хороо, “Есүхэй мэргэн” клубийн харваач Б.Мөнхжин /32 оносон/ нар тэргүүлсэн бол
Эмэгтэй харваачдыг:
- Завхан аймгийн уугуул, “Хангарьд” спорт хороо, Орхон аймгийн харьяат, Аймгийн мэргэн, Спортын дэд мастер Д.Бямбаасүрэн /38 оносон/
- Төв аймгийн Борнуур сумын уугуул, “Төв-Зуунмэргэн” холбооны харваач, Аймгийн мэргэн Спортын мастер Д.Бадамхорлоо /35 оносон/
- Өвөрхангай аймгийн Нарийнтээл сумын уугуул, Өвөрхангай аймгийн багийн харваач, Аймгийн мэргэн, Спортын дэд мастер А.Даваадулам /33 оносон/
- Өмнөговь аймгийн Ханбогд сумын уугуул, Спортын мастер, Аймгийн гоц харваач Б.Дуламсүрэн /33 оносон/
- Булган аймгийн Бүрэгхангай сумын уугуул, Хан-Уул дүүрэг Петровис багийн харваач, Монгол улсын гоц харваач Б.Баярцэцэг /33 оносон/ нар тэргүүллээ.
Дашрамд дурдахад Үндэсний баяр наадмын тухай хуульд өөрчлөлт, шинэчлэлт орсонтой холбогдуулан Төв аймгийн Засаг даргын 2022 оны 07 дугаар сарын 09-ний өдрийн А/415 дугаар захирамжаар Хилчин спорт хороо, Есүхэй мэргэн клубийн харваач Б.Мөнхжинд “Аймгийн Тод харваач” цол олголоо.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.