Мэдээ

2026 оны 08 дугаар сарын 17-29-ний өдрүүдэд Бүгд Найрамдах Өмнөд Африк Улсын Sun City хотноо зохион байгуулагдаж буй Өсвөр үе, залуучуудын пауэрлифтингийн дэлхийн аваргын тэмцээн-д Төв аймгийн Биеийн тамир, спортын газрын дэргэдэх “Догшин сүлд” пауэрлифтингийн залуучуудын шигшээ багийн тамирчид амжилттай оролцож байна.

Тэмцээний Equipped Powerlifting төрөлд:

-Залуучуудын эрэгтэй -66 кг:

Төв аймгийн Биеийн тамир, спортын газрын дэргэдэх пауэрлифтингийн залуучуудын шигшээ багийн тамирчин, спортын дэд мастер Б.Ууганбат газраас штанг таталтаар 235 кг өргөж, мөнгөн медаль,

-Өсвөрийн эрэгтэй -93 кг:

Төв аймгийн Жаргалант сумын тамирчин, пауэрлифтингийн I зэргийн тамирчин Б.Азжаргал

• Штангтай суулт – 280 кг

• Хэвтээ шахалт – 160 кг

• Газраас штанг таталт – 255 кг

• Нийлбэр – 695 кг нийт 1 алт, 3 хүрэл медаль,

-Залуучуудын эрэгтэй -74 кг:

Төв аймгийн Биеийн тамир, спортын газрын дэргэдэх пауэрлифтингийн залуучуудын шигшээ багийн тамирчин Г.Тэмүүжин:

• Штангтай суулт – 245 кг

• Хэвтээ шахалт – 165 кг

• Газраас штанг таталт – 220 кг

• Нийлбэр – 630 кг өргөж, Пауэрлифтингийн спортын дэд мастерын болзол хангасан бахдам амжилт үзүүллээ.